ຍິນດີຕ້ອນຮັບສູ່ບົດຄວາມ ການເດີນທາງຂອງປັນຍາປະດິດ Lao-AI

ສະບາຍດີທຸກຄົນ ຂ້າພະເຈົ້າຊື່ ສະຫວາດ ໄຊປະດິດ ເປັນຜູ້ທີ່ສົນໃຈ ແລະ ສຶກສາກ່ຽວກັບປັນຍາປະດິດ (AI - Artificial Intelligence) ມາໄດ້ໄລຍະໜຶ່ງ ກໍ່ເລີຍຢາກມາແບ່ງປັນຄວາມຮູ້ດ້ານນີ້ໃຫ້ທຸກຄົນໄດ້ຮູ້ນຳກັນ.

ຍິນດີຕ້ອນຮັບເຂົ້າສູ່ການເດີນທາງຄັ້ງໃໝ່ຂອງບົດຄວາມກ່ຽວກັບປັນຍາປະດິດທີ່ເປັນພາສາລາວ ຫົວຂໍ້ທີ່ໜ້າສົນໃຈກ່ຽວກັບປັນຍາປະດິດໄປນຳກັນ.

ຖ້າເຮົາເຄີຍສົງໄສກ່ຽວກັບເທັກໂນໂລຢີທີ່ຢູ່ເບື້ອງຫຼັງຂອງຜູ້ຊ່ວຍສຽງ (Google Assistant, Apple Siri,...) ຂອງໂທລະສັບເຮົາ, ຄຳແນະນຳການສັ່ງຊື້ໃນເວລາການສັ່ງຊື້ເຄື່ອງອອນໄລນ ຫຼື ວິດີໂອແນະນຳໃນຢູທູບທີ່ເຮົາກຳລັງເບິ່ງນັ້ນ, ຂພຈ ຈະມາໄຂຄຳຕອບເທັກໂນໂລຢີເບື້ອງຫຼັງນັ້ນນຳກັນ ເພື່ອໃຫ້ຄົນລາວໄດ້ເຂົ້າໃຈ ແລະ ເຂົ້າເຖິງເທັກໂນໂລຢີນີ້ໄດ້ນຳກັນທຸກຄົນ.

ເປັນຫຍັງເຮົາຈຶ່ງເວົ້າເຖິງ AI?

ພວກເຮົາອາໄສຢູ່ໃນຍຸກທີ່ເທັກໂນໂລຢີມາມີບົດບາດສຳຄັນໃນການໃຊ້ຊີວິດປະຈຳວັນເຮົາຄ່ອນຂ້າງຫລາຍ ແບບທີ່ເຮົາກໍ່ຄິດບໍ່ເຖິງວ່າມັນຈະມາຮອດນີ້ໄດ້ໄວປານນີ້. ໃນບັນດາເທັກໂນໂລຢີເຫລົ່ານີ້ ປັນຍາປະດິດເປັນໜຶ່ງໃນເທັກໂນໂລຢີທີ່ມີການປ່ຽນແປງ ແລະມີອິດທິພົນຫລາຍທີ່ສຸດ ສັກກະຍາພາບຂອງມັນໄດ້ປ່ຽນແປງວິທີການເຮັດວຽກ, ການໃຊ້ຊີວິດ ແລະ ການປະຕິສຳພັນຂອງໂລກໃບນີ້ໄປຫລາຍແລ້ວ.

ສຳລັບບ້ານເຮົາໃນລາວ ການເຂົ້າໃຈ AI ສາມາດເປີດປະຕູສູ່ໂອກາດໃໝ່ໆໃນລະຍາວ ຍົກລະດັບວິຖີຊີວິດຂອງເຮົາ ແລະ ເປັນການກະກຽມຄວາມພ້ອມໃນການໄປເຖິງ AI ທີ່ຈະມີບົດບາດສຳຄັນຢ່າງຍິ່ງໃນຕໍ່ໜ້າ.

ຜູ້ອ່ານຄາດຫວັງຫຍັງໄດ້ແນ່ຈາກບົດຄວາມໃນເວັບໄຊນີ້?

ໃນອີກ 20 ອາທິດຕໍ່ໜ້າ ເຮົາຈະເວົ້າເຖິງຫົວຂໍ້ຕ່າງໆ ເພື່ອໃຫ້ເຮົາເຂົ້າໃຈກ່ຽວກັບທີ່ໄປທີ່ມາຂອງປັນຍາປະດິດ ເຊິ່ງລວມໄປເຖິງ

ແນວຄິດພື້ນຖານ: ປັນຍາປະດິດແມ່ນຫຍັງ? ມັນສຳຄັນແນວໃດ? ມັນເຮັດວຽກແນວໃດ?
ແອັບພລິເຄຊັນທີ່ໃຊ້ງານໃນຊິວິດຈິງ: ປັນຍາປະດິດໃຊ້ຢູ່ບ່ອນໃດແນ່ ແລະ ມັນມີປະໂຫຍດຕໍ່ເຮົາແນວໃດ?
ການໄຕ່ຕອງເບິ່ງໃນດ້ານຈັນຍາບັນຂອງປັນຍາປະດິດ: ບັນຫາທີ່ອາດຈະເກີດຂຶ້ນ ແລະ ສິ່ງທ້າທາຍທີ່ກ່ຽວຂ້ອງກັບປັນຍາປະດິດແມ່ນຫຍັງ?
ທັດສະນະໃນອະນາຄົດ: ອະນາຄົດຂອງປັນຍາປະດິດໃນຕໍ່ໜ້າຈະເປັນແນວໃດ?

ໃນແຕ່ລະອາທິດ ຂ້າພະເຈົ້າຈະມານຳສະເໜີຫົວຂໍ້ໃໝ່ໆ. ຈຸດປະສົງຂອງ ຂພຈ ແມ່ນບໍ່ພຽງແຕ່ຈະມາອະທິບາຍໃຫ້ຮູ້ເທົ່ານັ້ນ ແຕ່ຍັງຢາກໃຫ້ທຸກຄົນໄດ້ມີສ່ວນຮ່ວມ ແລະ ຈຸດປະກາຍການສົນທະນາແລກປ່ຽນກ່ຽວກັບປັນຍາປະດີດນຳກັນ. ດັ່ງນັ້ນ ຂພຈ ຍິນດີຮັບຄຳຖາມ ຄຳຕິຊົມ ແລະ ມຸມມອງຂອງທຸກທ່ານທີ່ເຂົ້າມາອ່ານ.

ມາເຂົ້າຮ່ວມການເດີນທາງນີ້ໄປນຳກັນ

ບໍ່ວ່າທ່ານຈະເປັນນັກຮຽນ, ນັກສຶກສາ, ພະນັກງານ, ຄູອາຈານ, ຜູ້ປະກອບການ ຫຼື ຜູ້ທີ່ຢາກຮຽນຮູ້ ບົດຄວາມນີ້ແມ່ນເປີດກວ້າງສຳລັບທຸກຄົນ. ຄວາມຮູ້ກ່ຽວກັບປັນຍາປະດິດ ບໍ່ແມ່ນເລື່ອງທີ່ເຂົ້າເຖິງຍາກອີກຕໍ່ໄປ ເພາະມັນເປັນສິ່ງຈຳເປັນໃນເທັກໂນໂລຢີອະນາຄົດ.

ຕິດຕາມບົດຄວາມຂອງ ຂພຈ ໄດ້ໃນທຸກໆອາທິດ ຂພຈ ຈະມາຕອບຄຳຖາມສຳຄັນໃຫ້ທ່ານໄດ້ຮູ້ນຳກັນວ່າ "ປັນຍາປະດິດ ມັນແມ່ນຫຍັງກັນແທ້"